رمــــاد الـقـلـــوب

.. نـورتــنـا بـوجـودك ..
 
الرئيسيةالبوابةس .و .جبحـثالتسجيلدخول

شاطر | 
 

 عسى بفستانها اشواك وفي ثوبه عقارب سود

اذهب الى الأسفل 
كاتب الموضوعرسالة
سالفة عشاق
جديد
جديد
avatar

المساهمات : 9
تاريخ التسجيل : 01/05/2008

مُساهمةموضوع: عسى بفستانها اشواك وفي ثوبه عقارب سود   الخميس مايو 22, 2008 11:36 am

بصرااحه احلي قصيده قريتهااا ..وان شاء الله تعجبكمـ....



ثلاث سنين انا اخطط لهذا اليوم يا بو سعود

تيسر حالي وجاهز اوفي وعدي بوقته


وفجأة جتني تتعذر تقول تأخرت الوعود
وانا مستغرب واسمع كأني وعدها خنته


حسبت انها تمازحني وتتصنع جفا وصدود
ضحكت بوجهها من قلب مع انها بايخة النكتة


وقالت ارضى بالواقع قلبي ما هو المعهود
تغير كل شي صوبك نصيبي ما أظن إنته


كنت بيوم محبوبي ولكن ما أظن نعود
وصل من قبل ما توصل وانا ذاك الصبر عفته


ولكن تكفى صدقني ويشهد ربي المعبود
ترى ما خنتك بغفلة ولا كلمته وشفته


صراحة اهلي قالولي بإنه ولد اصل وجود
وجتني أمه بالصورة وبكلمات المدح اخته


سكت وقلت هي فرصة ما دام الجود في الموجود
وقالوا كل من حولي علامات الرضا سكته


وانا فكرت دام امه واخته ما عليهم زود
اكيد اني براضيهم إذا وافقت واخترته


واراضي اهلي واخواني مدام ان الفرح مقصود
عطيت الناس انا كلمه ومعاهم وقتي حددته


ولا اقدر أغيرها ترى عند العرب منقود
اوافق واعتذر باجر واقول الراي غيرته


تبي تشرح لي المنقود تصدق عاد يا بو سعود
تبيني اقتنع وارضى بحالن عمري ما عشته


انا ماني بقايلها عسى يفرش ثراها ورود
بعد ما حطمت قلبي وطعم الموت جربته


عسى بفستانها اشواك وفي ثوبه عقارب سود
ونارن تحرق الكوشة وتحرق بيتهم حتى


وموت بليلة الدخلة يبرد حرتي يا كود
ولا احس انها بحضنه يلامس خد لامسته


علي اهون اذا ماتوا ولا بنفس السرير رقود
ترى صعبن علي اتخيل الي ما تخيلته


عسى قاع الثرى يقسى ويتحول صخر جلمود
وحفار القبر يرفض يسوي فوق مقدرته


ترى دفنت عديم الذات تلوع حتى جبد الدود
ومن خان العهود ومات تعافه حتى مقبرته


عسى ربي يجازيهم بحبلن من مسد ممدود
يعلقهم من اطرافه وفوقه نارن وتحته


انا ماني حقود وشين ولاني من نسل نمرود
ومن حط نفسه بوضعي يقول الي انا قلته


مدام الفعل له ردة فعل والله ابشري بردود
بدعي دامني حيـــن وبغرس للدعا نبته


وبسيقها نزيف القلب ودمعن ما رحم الخدود
وتكبر والثمر ثاري من الي خانني وصنته


انا نذر علي اكتب وافجر هالقصيد رعود
واسمع كل بشر صوتي عجبته ولا زعلته


واردد للي يسمعني اذا حبيت حط حدود
انا حبيت دون حدود وشوف الي تكبدته


ثلاث سنين انا ابني وجت صورة بكل برود
خذت مني شقا عمري وحلمن قلت حققته


ثلاث سنين انا اخطط لهذا اليوم يا بو سعود
وتوافق من كلام اخته وصورة أربعه في سته

.
.
.
للشاعر /ساقي الشوق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عسى بفستانها اشواك وفي ثوبه عقارب سود
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
رمــــاد الـقـلـــوب :: منتدى الادب والثقافه ..!! :: منتدى الشعر والخواطر-
انتقل الى: